رخامه هههههههههههههههههههههههه

بسم الله الرحمن الرحيم

---

أولاً : ازاي ترخم على ضيوفك !

لو عازم صحابك على العشاء مثلاً .. خليك انت خلص اكل اول واحد

و بعدين روح بسرعة علشان تغسل ايديك .. و بعد ما تغلس ايديك افتح المياه

على الساخن بس .. و اقفل الساقع خالص . و استنى شوية 10 ثواني كدا

و بعدين اقفل المياه

و شوف بقى اللي بعدك هيحصله ايه

----

لو جالك ضيف رخم .. روح اعمل شاي و خلي الشاي سخن موحوح و ما تحطهوش في (مج) .. حطه
في كوبيات عادية و املاها للاخر علشان مايعرفش يمسكها

----

و لو عندك ضيف دمه تقيل و عاوز تفلسعه .. اظبط المنبه بتاع الموبايل بحيث كل شوية

يرن يرن و اعمل ان في واحد بيتصل بيك و قوله ( ايه ؟ .. دلوقتي لالا .. عندي ضيف ..
يمكن بعد 10 دقايق ولا حاجه ).

و ما تلبسش ساعة علشان كل شوية تسأله الساعه كام

و لما يكلمك ما تردش عليه من اول مرة .. اعمل نفسك ما سمعتوش

----

و لو واحد رخم و رغاي اتصل بيك حاول ترد عليه بكلام مختصر (ايوه .. ماشي .. حاضر ..
اوكي .. لا .. هشوف) .. و لو فضل يرغي كتير ما تردش عليه و اعمل نفسك بتكلم واحد
جنبك و بعدين قوله (آسف معلش كنت بكلم اخويا) و اعملها كزا مرة .. و لو طول قوي قوي
بقى و مش عارف تخلص منه .. اعمل ان الخط قطع .. و انك مش سامعه و قول (الو ..
الو .. الو .. انت روحت فين ؟؟ ... الو) و
بعدين قوم قافل السكة

----

و لو في حد رافع ضغطك و عايز تعمل فيه مقلب

خد ولاعه وسخن مقبض الباب وبعدين اعمل نفسه بتتكلم في الموبايل و قوله : افتح الباب
..

---

ثانياً : ازاي ترخم على ناس في اوتوبيس !

اول حاجة

انت مثلا مسافرسفر طويل باتوبيس يعنى حوالى 8 او9 ساعات فى الطريق طبعا هيبقى الكل
على اخرة

ودى فرصتك يامعلم عشان تزهق فى خلق الله

اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس
دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس
يقف والناس تنزل

انزل قلب فى الشنط وطلعها برة وقعها وافردها فى الشارع وتوه الشنط فى بعض بحجة انك
بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى
الشارع تدور على شنطها

تانى حاجة وانت بتحجز خلى كرسيك جمب الشباك

ادخل انت الاول ومتقعدش فى الكرسى الى انت حاجزة لا اقعد فى الى جمبة طبعا الراجل
الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل
يقعد فية جرى خلية يقعد سيبة متكلموش

سيبة ساعة واتنين لحد مايكيف على المكان ويسلام لو كان نام وفى عز نومة ازغدة فى
قلبة وقولة دا مكانى ياعم

هيزعق ويقول انا قعدت فية الاول طلع التذكرة وحطها فى عينة او انده للسواق او وقف
الاتوبيس واعمل خناقة لحد ماتقعد مكانك

تالت حاجة قعدت مكانك وظبطت نفسك ياعم طبعا الراجل الى جمبك دا مش طايق يبص فى
خلقتك خليك مبتسم دايما ومبسوط فى وشة عشان يتغاظ اكتر واديلة رست شوية

خش على الى قدامك شوية افرد رجلك من تحت الكرسى وخبط فى رجلية كل شوية وان اكلم
قولة اعملك اية رجلى طويلة ابقى احجزلك كرسيين ورا بعض ويسلام لو حاطط اكل تحت
الكرسى اخبطة وقعة فى الارض

وكدة يبقى خلصت على الى قدامك ارجع للى جمبك تانى

اول مينام ويريح نفسة صحية وقولة عدينى اروح الحمام لو سمحت هيقوم متغاظ طبعا وانت
بتعدى حط ايدك على وشة

دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فية ضحية
تالتة

قولة سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش
غير حمام واحد

واما تخرج لو لاقيتة لسة مستنى قولة على فكرة المية قطعة وسيبة وامشى

كدة يبق انت كفرت كل الى فى الاتوبيس تقولى ياعم انت مزهقتش غير تلاتة هقولك لا

بطريقة الشنط زهقت شوية

واتمنى ليكم رحلة خنيقة

ثالثاً : ازاي ترخم على الناس في المحلات !

ادخل اى محل جزم ويسلام لو كان فية زباين اقعد استنى لحد مازبون يقلع جزمتة عشان
يقيس تقوم سادد منخيرك وتمسك بطنك وتقول اوف وتعمل اكنك عايز ترجع وتقول
لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى
زى الطمطماية

ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وهقهق
اوى ويسلام لو وقعت على الارض من الضحك وبصلة من فوق لتحت خلية يشك انة مسخرة
هتلاقية عملها على روحه

ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول
عشان انت جى الاول قولة لا خلص المزمزيل الاول هتقولك شكرا والراجل هيقوك اوك اول
مايبدا معاها زعق اوى وقولة اية ياعم مش انا جى الاول ولا هيا كوسة ولا عشان بنت
يعنى سبحان الله يجدعان نموت نفسينا يعنى عشان رجالة وسيبة وامشى قبل مايكلم ولا
كلمة

شوف واحد ماشى فى الشارع وعدى من جمبة وامسك منخيرك وقول يخرب بيت الاكل اللي
بتاكلوه ده .. وبص له شوية بقرف وامشى فى حالك

وسخ جزمتك اوى اوى وادخل اى محل نضيف وسيراميك واقعد اجرى فية ودور على اى حاجة
طبعا هيتحرجوا يكلموك بس هما اصلا ميتين من الغيظ

وانت بتاكل في اي مطعم ارمي نفسك علي الارض وصرخ وسمع الناس اللي بتاكل وقول جالي
تسمم من الاكل

ورخم اكتر ومدتفعش حساب الاكل وامشى على كدة

رابعاً : ازاي ترخم على السواقين في الطرق !

لما يكون في نزلة بعد كيلو ولا حاجه .. ادي اشارة صفراء يمين و هدي و اول ماتيجي
جنب النزلة قوم داخل شمال و مسرع هتلاقي اللي وراك اتغاظ

سوق عربيتك في الاتجاه المعاكس واي عربيه تعدي من جنبك اشتم صاحبها

هههههههههههههههههههههههههههههههههههههه

هههههههههههههههههههههههههههههه

اتمنى انى اكون رخمت عليكم بما فيه الكفايه
واتمنى تكون الدروس مفيده

والله اكتر من رائع يا اخت رحيق ، استاذة في الرخامة ههههههههههههههه كنت حموت من الضحك بالذات على الترخيم اللي على صاحب محل الاحذية والراجل اللي بيقيس هدومه في محل الملابس وتخيلت الراجل بحط ايده على وش الراجل وهو رايح الحمام ههههههههههههههه موضوع بجد مميز

ههههههههههههههههههههه ربي يعزك رحيق منتظرين المزيد

تسلمى وتسلم يمناكى اختى رحيق الجنة بجد رخامه رخااااااااااامة يعنى
اهى دى الرخامة ولا بلاش بجد
الله يجزيكى خير يرب
انا اتعلمت شوية واكييييييد لازم اجربهم
ولو اضربت او حد دعى عليه انتى السبب
استحملى باه
بس كله إلا بتاع إلاتوبيس ده نكتتتتتتتتتتته بجد
انا لو مكان الى جنبه
كنت رميته من الشباك وخلصت
ربى يكرمك يرب
وفى انتظار المزيد
وتقبلى مرورى المتواضع
ـــــــــــــــــــــــــــــــــــــــ
الله يحبك يارب

ههههههههههههههههههه رحيق حلوة الرخامات دى وانصحكم تجربوها هههههههههههه انا مجرباها كلها ونتيتجتها مش هقلوكم هههههههههههه جربوها وانتم تعرفوا
ياااااااااااااااااااااريت ترخمى علينا كمان هههههههههههه اقصد تقولى لنا رخامات كمان
علشان ادعى لك هههههههههه

هههههههههههههههههههههه بصراحه قلبت من الكرسي من الضحك وانا بقرا فيها تسلمي اخت رحيق

بس ما اقدرش اجربها لانه في الكراسي و الاحذيه بيلحقونا خصوصا اصحاب المحلات .

وتقبلي مروري المتواضع اخوكي .

والله وانتم ناس زى العسل
شوفتوا الرخامه ههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه