أزاي تبقه رزل في المواصلات؟

السلام عليكم ورحمه الله وبركاته نتابع اخر صيحة فى عالم الرزالة وانا عارفه ان انت ممكن المرادى تدايق من الرزالة بس ده خلاااااااااااص اخر موضوع للرزالة واولاً واخيراً احنا بس عاوزين نطلع من مود النكد الا احنا عايشين فية وبس يعنى محدش ياخد كلامى على اساس اننا نعمل الكلام ده بجد يعنى من الاخر شوية تفاريح وخلاص
لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى
لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى
لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك
فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

.. عدد المساهمات : 32 تاريخ التسجيل : 30/04/2009

هههههههههههههههههههههههههههههههههههههههههههههههههههههههه
بجد روعه تسلمي يا رحيق هجرب الحجات دي ايه رايك ولو اضربت هقولهم انتي الي قولتيلي
اضفلك خصله من خصال الرزاله
لو قاعده جمب واحد عاوزه تجننيه قولي ايه الريحه المقرفه دي وطلعي برفان او سبراي ورش الجو حلوليكي ههههههههههههههههه

[center]

أزاي تبقه رزل في المواصلات؟ 1137114121_3

يسلموووووووووووووو رحيق ...لكى تحياتى ,,,تقبلى مرورى

عن جد حلو ه كتير ............ بس بصراحه ولو عملتها انا عنا هاكل ضرب حتى ستوي

لانه عنا مبيرحموش في الحاجات دي . تسلميييييييييييييييييي اخت رحيق وتقبلي مروري المتواضع .

» أزاي تبقه رزل مع حبيبتك؟
» أخر حاجه بقى ... أزاي تبقه رزل وخلاص في أي حته وفي أي مكان