الراجل ده هيجنني ( خواطر زوجة مفروسة ) بس راجل محترم اوى عجبنى بصراحة هههههههههه

الراجل ده هيجنني ( خواطر زوجة مفروسة )
أزيكم يا فتكاوات عاملين إيه

بصراحة كده وعلى طول من غير لف ولا دوران
الراجل ده هيجنني !!!!


وأقصد هنا كل راجل عينه زايغة علي الفضائيات والكليبات
واللي فيها ....................

تلاقيه يعني قاعد وعينه هتطلع على البنت المدللة اللي بتتمايل يمين وشمال زي اللي واكله تعبان جعان
وشوية أليسا وإيه الطعامة دي














/


وحبه هيفاء وإيه الدلع والمياصة دي


ويبص لرولا ونانسي ويقول يادي النكبة اللي أنا فيها


ويبص الناحية التانية ويمصمص في شفايفة ويتحسر على حظه الهباب

اللي وقعة فى وحدة متعرفش تلبس إلا الشبشب والقباب (من وجهه نظره)

ويقول لنفسه : آآآآآآآآآآآآآآآه ماكنش الواحد وقع على مكنه من دول


/


لو سمحت بقة كفاية


يا كل راجل حرااااااااام تقارن بين زوجتك وبين دول
مش لأن زوجتك محترمة عنهم وبس لأ

أنت أول ما تزوجت مراتك

كانت زي القمر /

وبتلبس وبتتشيك وواخده بالها منك

وبعد عيل والتاني برضو شيلاك أنت وعيالك في نن عينها وبتنسى نفسها عشانك

ودايخة بينك وبين بيتها وبين طلباتك وطلبات عيالها السبع دخات



يعني مش حرااااااااااااااام كده

لأ


مش ده اللي أنا عايزة أقوله
اللي أنا عايزة أقوله إن وجه المقارنة غلط أصلا

وهما اللي عينك هتطلع عليهم دول بفلوسهم بقوا كده
ومراتك هي اللي تتحسر علي نفسها مش أنت
لو كانت خدت واحد مليان فلوس ولا راحت تشتغل موديل في كليب
صدقني كانت عينك هطلع عليها برضو
المقارنة أصلا غلط
بين واحدة بتصحى من النوم على الجاكوزي والجيمينزيوم والماكير
والبادي كير والمنكير ومعرفش إيه
وبين واحدة بتص وشها بشويه ميه عشان تلحق تعملك لقمة تكلها وتنضفلك البيت
وتكويلك هدومك وتغسل لعيالك وتراعيهم وتذاكرلهم
مينفعش تقارن بين واحدة أقل فونداشين ليها بميتين أو تلتمين جنيه
وبين واحدة بتجيب ارخص حاجة علشان قلبها عليك وعلى شقاك
وهي لوعملت وصرفت علي نفسها صح هتبقي احلي من كل دول
على الأقل هي طبيعي مش مستشفيات ...
./



حرام المقارنة أصلا

وفي الأخر مشششششششششششش عجباك
يا أخي عيب عليك
طيب طلع اللي في جيبك كله ليها ( ساعتها هتقولها أنتي زي القمر )

ولو جيت للحق ....طب متبص لنفسك في المرايا
يعني أنت حلوووووووووو قوي
مهو في اللي أحلي منك بكتير
طب وهي مبتبصش ليه ؟؟؟؟
عارف ليه؟!!!

عشان بتحبك لشخصك مش لمالك ولا جمالك علشان بتقدر شقاك وتعبك عليها هي وعيالها
اتقوا الله بقى يارجاله
لو دول حلوين طب مبيعمروش ليه فى جوازة؟!!!
اتقي الله يا راجل يا اللي هتجنني !!!!!
اتقى الله واحكم بالعدل
مين اللي مفروض يتحسر على بخته؟!!

أنت ولا هي !!!!!!!!!!!!؟؟؟


( خواطر زوجة مفروسة )
قريبا ........

هههههههههه انا حاسس ان كل اللى هيدخل هنا هيكون مفرووووس فانتظار الردود

ههههههههههههههه هو اللى هيتفرس الرجاله لكن الستات والبنات اكيد هيشكروك ههههههههههههههههه

الكلام لصالحهم ..طب والله عندك حق لواء وده اللى بيحصل بس نعمل ايه بقى رجاله عنيها زايغة هههههههههههههههه

يسلموووو على المشاركة الحلوة .....................تحيااااااااااااااااتى

white-dove كل واحد بيشيل التهمه عنه هههههههههههه خايف من الحقيقة

شهد حضرتك مشكووووووووووووووووووووووووووورة

عادى جدا مين اللى مفروس ده اكيد مش انا طبعا ههههههههههههه
بدليل انى برد على الموضوع
ههههههههههههه
ربنا يعزك